Чүпрәле районында мәктәп укучылары һәм тармак технологияләре техникумы студентлары арасында «Хезмәткә һәм оборонага (ГТО) әзер» Бөтенроссия физкультура-спорт комплексының акциясе бара.
Акция 8 сентябрьдә старт алды һәм 2022 елның 16 сентябренә кадәр дәвам итәчәк. «Хезмәткә һәм оборонага әзер» Бөтенроссия физкультура-спорт комплексы акциясе барышында мәктәп укучылары ГТО нормативларын III баскыч нигезендә тапшырачаклар; ә Чүпрәле тармак технологияләре техникумы базасында - V баскыч буенча тапшырачаклар.
Акцияләр яшүсмерләр һәм яшьләрнең ГТО комплексына карата кызыксынуын үстерү, физик культура һәм спорт белән системалы шөгыльләнү максатыннан үткәрелә.