Гаилә, мәхәббәт һәм тугрылык көнендә Чүпрәледә яшәүче парны бриллиант туйлары белән котладылар

2022 елның 8 июле, җомга

   Коршанга-Шигали авылыннан Черновлар гаиләсен бриллиант туйлары белән котладылар. Котлау Гаилә, мәхәббәт һәм тугрылык көне кысаларында узды.

   Юбилярларны котларга район Башкарма комитеты җитәкчесе Данис Сатдинов, аның социаль мәсьәләләр буенча урынбасары Айрат Җәләлов, ЗАГС бүлеге җитәкчесе Альбина Шәрәфетдинова килделәр. Кунаклар гаиләгә озын гомерлелек сертификаты, бүләкләр һәм чәчәкләр тапшырдылар. Сәламәтлек, гаилә бәхете, иминлек теләделәр.

   "Бер-береңне аңлап, хөрмәт итеп яшәргә кирәк, шул вакытта барысы да әйбәт булачак", - дип уртаклаштылар Черновлар гаилә озынлыгының серләре белән.