Гадәттән тыш хәлләр министрлыгы татарстанлыларны көчле җил турында кисәтә
Синоптиклар фаразлавынча, 4-5 апрельдә Татарстан территориясендә җепшек кар, буран, секундына 15-20 метрга кадәрле көчле җил көтелә. Көнчыгышын һәм көньяк районнарда җилнең көче секундына 24 метрга кадәр җитәргә мөмкин. Юлларда бозлавык һәм кар көртләре көтелә.
Республиканың Дәүләт автоинспекциясе начар һава шартларында иминлек чаралары турында кисәтә.
Йөртүчеләргә иң югары рөхсәт ителгән тизлек белән түгел, ә иминлек тизлеге белән хәрәкәт итәргә кирәк. Каршы як полосага чыгу кебек куркыныч маневрлардан тыелырга киңәш ителә. Автомобиль салонындагы барлык пассажирлар да иминлек каешын эләктерергә, ә балалар алгы утыргычта 12 яшькә кадәр һәм артта 7 яшькә кадәр махсус креслода булырга тиеш.
Җәяүлеләр шулай ук урамда игътибарлырак булырга тиеш. Аларга зебра аша һәм машина сезгә юл бирәчәгенә ышангач, светофорның яшел төсенә генә чыгарга киңәш ителә.
Игътибарлы һәм сак булыгыз! Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «112» мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.