Чүпрәле районының кече сыйныф укучылары бадминтон уйнадылар
Чүпрәле районында бадминтон буенча чираттагы ярыш узды. Ярыш булачак бәйрәм-Космонавтика көненә багышланган иде.
Ярышларда, нигездә, кече яшьтәге спортчылар катнашты. "Кече сыйныф укучыларын ярышларга җәлеп итү максаты-спортка, бигрәк тә бадминтон, сәламәт яшәү рәвешенә мәхәббәт тәрбияләү", - дип билгеләп үтә бадминтон буенча федерация җитәкчесе Сингх Раджеш Кумар.
Уеннар нәтиҗәләре буенча җиңүчеләр: Синг Суннита-1 урын, Ильина Арина -2 урын, Ильин Вадим-1 урын, Сингх Тимур-2 урын. Әмирханов Әмир-3 урын, Шәйдуллина Илсина-1 урын, Сәлимҗанова Азалия-3 урын, Мөдәрисова Ралана-1 урын, Нефедова Полина-2 урын, Петухова Марина-3 урын.
Чарада район башлыгы Марат Гафаров катнашты. Ул балаларга тагын да күбрәк тырышлык, сәламәтлек һәм уңышлар теләде. Җиңүчеләргә грамоталар һәм медальләр, шулай ук кубоклар тапшырылды.