Чүпрәле районы башлыгының Мактау грамотасы белән бүләкләнделәр

2021 елның 28 октябре, пәнҗешәмбе

   Озак еллар нәтиҗәле хезмәте, җирле үзидарәне торгызуга һәм үстерүгә керткән шәхси өлеше өчен һәм 50 яшь тулу уңаеннан  Иске Чокалы авыл җирлеге башкарма комитеты секретаре  Илсөяр Фиалит кызы Якупова Чүпрәле муниципаль районы башлыгының Мактау грамотасы белән бүләкләнде.

   Күпьеллык намуслы хезмәте һәм Чүпрәле муниципаль районының финанс-икътисадый үсешенә зур өлеш кертүе өчен һәм 55 яшь тулу уңаеннан «Югория «иминият компанияләре төркеме» АҖнең Чүпрәле филиалы директоры Җәмил Фетхилислам улы Низаметдинов  Чүпрәле муниципаль районы башлыгының Мактау грамотасы белән бүләкләнде.