Мөмкинлекләре чикләнгән гражданнарның хокукларын үтәү мәсьәләләре буенча гражданнарны бергәләп кабул итү була
2021 елның 13 апрелендә Татарстан Республикасында Кеше хокуклары буенча вәкаләтле вәкил һәм Татарстан Республикасы буенча Россия Федерациясе Социаль иминият фонды, Татарстан Республикасы буенча Медик-социаль экспертиза Баш бюросы, Татарстан Республикасы Сәламәтлек саклау министрлыгы җитәкчеләре гражданнарны бергәләп кабул итә.
Кабул итүгә алдан язылу өчен (843) 236-41-80 телефоны буенча (Татарстан Республикасында Кеше хокуклары буенча вәкаләтле вәкилнең кабул итү бүлмәсе) шалтратырга кирәк.
Кабул итү Татарстан Республикасында Кеше хокуклары буенча вәкаләтле вәкил Аппаратында түбәндәге адрес буенча узачак: Казан ш., Карл Маркс ур., 61 йорт.
Татарстан Республикасы муниципаль районнарында яшәүчеләр шулай ук «Skype» яки «Zoom» программалары аша турыдан-туры тоташып үз сорауларын бирә алалар.