Туган тел һәм әдәбият укытучыларының "Туган тел" Бөтенроссия конкурсының йомгаклау этабы узды
Идел буе дәүләт физик культура, спорт һәм туризм академиясендә Туган тел һәм әдәбият укытучыларының "Туган тел" Бөтенроссия конкурсының йомгаклау этабы узды.
Конкурсның Гран-приын Азнакай шәһәренең 7 нче мәктәбенең татар төркемнәрендә татар теле һәм әдәбияты укытучысы Гөлназ Шакирова алды.
Яр Чаллы шәһәренең 37 нче мәктәбенең татар теле һәм әдәбияты укытучысы Эльвина Биккинина, Биектау бистәсенең 4 нче мәктәбенең рус теле һәм әдәбияты укытучысы Эльмира Әхмәтҗанова, Чүпрәле районының П.В. Дементьев исемендәге Үби урта мәктәбенең чуваш теле һәм әдәбияты укытучысы Надежда Сердцева һәм Башкортстанның Бурай авылының 2 нче гимназиясенең татар теле һәм әдәбияты укытучысы Әлфия Әсләмова да конкурсның җиңүчеләре дип табылды.
Җиңүчеләргә дипломнар һәм 20 мең сум күләмендә акчалата премияләр тапшырылды, ә Гран-при 30 мең сум тәшкил итте.