Чүпрәлеләргә авыл хуҗалыгы ярминкәләрен оештырган өчен рәхмәт белдерделәр
2020 елның көзге-кышкы чорында авыл хуҗалыгы ярминкәләренә йомгак ясауга багышланган чарада Казанның Киров һәм Мәскәү районнары администрациясе башлыгы Сергей Миронов авыл хуҗалыгы ярминкәләрен югары дәрәҗәдә оештырган өчен авыл халкына рәхмәт белдерде.
Тантанада Чүпрәле муниципаль районы Башкарма комитеты җитәкчесе Данис Сатдинов һәм район Башкарма комитеты җитәкчесенең икътисади үсеш, финанслар һәм авыл хуҗалыгы буенча урынбасары Илмир Измайлов катнашты.
"Ярминкәләр күп гасырлар дәвамында популярлыгын югалтмый һәм җирле авыл хуҗалыгы җитештерүчеләреннән арзан бәяләрдән төрле сыйфатлы продуктлар сатып алырга мөмкин булган урын булып тора. Көзге ярминкәдә тәкъдим ителгән продукциянең югары дәрәҗәдә оештырылуы һәм киң ассортименты шәһәр халкының күңеленә хуш килде. Бу традицияләр сакланыр дип уйлыйм һәм киләчәктә дә нәтиҗәле хезмәттәшлеккә өметләнәм», - диелә администрация башлыгының Татарстан Кулланучылар берлеге идарәсе аппараты һәм район кулланучылар җәмгыятьләре адресына рәхмәт хатында.