Ценник бәясе кассадагы бәягә туры килмәгән очракта нишләргә?
Барыбызга да таныш хәл: кибет киштәсеннән тауарны бер бәядән алабыз, ә кассада аны бөтенләй башка бәядән, кагыйдә буларак, бәядән югарырак бәягә саталар. Бу вәзгыятьтә сез тауарны ценникта күрсәтелгән бәядән сатуны таләп итә аласыз. Законда сатучының товар турында (шул исәптән аның бәясе турында), аны дөрес сайлау мөмкинлеген тәэмин итүче кирәкле һәм дөрес мәгълүматны кулланучыга җиткерергә тиешлеге каралган. Гадәттә, сатучыларэшләре күп булу сәбәпле ценникны алыштырырга өлгермәүләрен аңлата.
Кулланучының мәгълүмат алу хокукы "кулланучылар хокукларын яклау турында" 07.02.1992 ел, № 2300-1 РФ Законының 10 статьясында, РФ Хөкүмәтенең 19.01.1998 ел, № 55 карары белән расланган Товарларның аерым төрләрен сату кагыйдәләренең 11 пунктында билгеләнгән.
Сатыла торган товарның авырлыгы яки берәмлеге өчен бәясе ценникта күрсәтелергә тиеш. Моннан тыш, Россия Федерациясе Граждан кодексында оферт төшенчәсе, ягъни документлаштырылган тәкъдим бар. Кибетләрдә ценник нәкъ менә ачык оферт булып тора, һәм сатучы сатып алучыга бу офертта күрсәтелгән бәядән товарны сатарга бурычлы.