Чүпрәледән 26 укучы Татарстан Президенты чыршы бәйрәмендә катнашты

2020 елның 26 декабре, шимбә

   25 декабрьдә Казан шәһәрендә Татарстан Президенты Рөстәм Миңнеханов катнашында балалар өчен Яңа ел бәйрәме узды. Чарада Чүпрәледән 26 бала катнашты.  Алар - уку отличниклары, олимпиадаларда, конкурсларда, спорт ярышларында җиңүчеләр. Шулай ук, бәйрәмгә ятим һәм мөмкинлекләре чикләнгән балалар да чакырылган иде.

   Гомумән, Президент чыршысында 8000нән артык бала катнашты. 

   Чара барлык санитар кагыйдәләрне үтәп, 3 этапта оештырылды.

   Бәйрәмдә барлык балалар да татлы бүләкләр алып, ә иң мөһиме - онытылмаслык Яңа ел әкияте дөньясында булып кайттылар.