Чүпрәле кызы Гузәл Бахитова "Татар кызы" республика бәйгесенең супер финалына узды

2020 елның 28 ноябре, шимбә

   "Бөтендөнья татар конгрессы Төбәкара иҗтимагый оешмасы игьлан иткән халыкара "Татар кызы" бәйгесенең зона этабы буген Тәтеш муниципаль районында узды.

   Бәйгедә кызлар 6 критерий буенча көч сынаштылар. Болар: узең белән таныштыру, иҗади бәйге (җыр, бию, әсәрдән өзек яки шигырь сөйләү, перформанс һ.б.), дефиле, милли кием һәм интеллектуаль бәйге.

  Чүпрәле данын Казан фәнни-эзләнү технология институтының магистратура бүлеге студенты Гүзәл Бахитова яклады. Гүзәлнең чыгышы жюри тарафыннан югары бәяләнеп, ул республика этабының супер финалына узды. Алдагы бәйге 19 декабрьдә узачак. Гүзәлгә уңышлар телибез!