Россия Хөкүмәте мәдәни чараларга алынган билетларны кире кайтару кагыйдәләрен раслаган

2020 елның 21 октябре, чәршәмбе

   Мәдәни чараларга алынган билетны кире тапшыру һәм акчаны кайтару өчен, чарада катнашудан баш тартуның сәбәпләренә карап (мәсәлән, авырып китү), бу хакта гариза бирергә кирәк булачак.

   Теләсә кайсы очракта гаризада шәхси мәгълүматларны эшкәртүгә ризалык булырга тиеш. Сатучыга турыдан-туры мөрәҗәгать итсәгез, шәхесегезне раслаучы документ күрсәтергә кирәк булачак. Гаризага файдаланылмаган билетның төп нөсхәсе теркәлә. Электрон билет алган очракта, аның басма күчермәсе, шулай ук чек күчермәсе кирәк булачак.

   Акчаны кире кайтару турында карар чыгару өчен, сатучыга гариза һәм башка документларны кабул иткән көннән соң 10 көн вакыт бирелә. Кайбер очракларда бу срокны озайтырга була.