Яңа коронавирус китереп чыгарган авыруларның таралуын булдырмау чаралары
Кытай Халык Республикасында (КХР) яңа коронавирус белән бәйле хәлләр уңаеннан, Роспотребнадзорның Татарстан Республикасы буенча идарәсе эпидемиягә каршы чаралар комплексын үткәрү дәвам итә.
Россия Федерациясе дәүләт чиге аша уздыру пунктларында «Казан» һәм «Бигеш» аэропортларында имин булмаган төбәкләрдән килгән стационар һәм күчмә җылылык визион җиһазларын кулланып, көчәйтелгән контроль үткәрелә.
Килүче пассажирларның барысы да симптомнар булу-булмауга сорашалар һәм килеп җиткәннән соң 14 көн эчендә температура күтәрелгәндә һәм нинди дә булса авырулар симптомнары барлыкка килгәндә табибларга кичекмәстән мөрәҗәгать итү кирәклеге турында кисәтәләр.
Мониторинг мәгълүматлары буенча "Казан" һәм "Бигеш" аэропортларында 187 рейс каралган (шул исәптән 7се - Кытай Халык Республикасы), 32 500 дән артык пассажир һәм экипаж әгъзасы (шул исәптән 2500 гә якын, КХРдан килгән). Йогышлы авырулар һәм температура билгеләре булган затлар ачыкланмады.
Медицина ярдәме сорап 2020 елның гыйнварында Казан шәһәрендә яшәүче 12 кеше КХРдан төрле вакытта кайткан ОРВИ симптомнары белән мөрәҗәгать итте, барысы да оператив рәвештә хастаханәгә салынды һәм яңа коронавирус инфекциясенә тикшерелде, нәтиҗәләр тискәре. Барлык мөрәҗәгать итүчеләрнең дә грипп этиологиясе вируслары түгел икәнлеге ачыкланды.
Республикада хастаханәдән тыш пневмонияләр белән оператив мониторинг нәтиҗәләре буенча, авырулар санының уртача еллык дәрәҗәләре күзәтелми, грипп һәм ОРВИ белән авыручылар саны эпидемик бусагадан 8% ка югарырак.
Вәзгыять Татарстан Республикасы буенча Роспотребнадзор идарәсе контролендә кала.
Россия Федерациясендә яңа коронавирус белән килеп чыккан авыруларның таралуына юл куймау максатларында саклык чараларын үтәргә кирәк:
- хәл тотрыклыландырылганчы Кытай Халык Республикасына сәфәрне планлаштырмаска;
- башка илләргә чит ил сәфәрләрен планлаштырганда - эпидемиологик хәлне аныкларга;
- мал-туар, диңгез ризыклары сатыла торган базарларга йөрмәскә;
- бары тик термик эшкәртелгән азыкны, шешәле суны гына кулланырга.;
- зоопаркларга, мәдәни-массакүләм чараларга йөрмәскә;
- сулыш органнарын яклау чараларын (битлекләрне) кулланырга.