Бүген Татарстанда алмашынучан-болытлы һава торышы булачак. Урыны белән кыска вакытлы яңгырлар һәм яшен булуы мөмкин. Бу турыда Татарстан Гидрометеорология үзәге хәбәр итте.
Яшен вакытында көньяк-көнбатыштан искән җил тизлеге секундына 15-20 метрга җитәчәк.
Көндез һава температурасы +27..+32 градус булыр дип көтелә.
Татарстан синоптиклары ял көннәрендә дә эссе һава торышы булыр дип фаразлый.