Гомер китабы хатирәләр белән тулы
Иске Чүпрәле авылында гомер итүче, хезмәт ветераны, тыл хезмәтчәне, сугыш ветеранының тол хатыны Зәйтүнә Зарифулла кызы Гиззатуллинаның 90 яшьлек гомер китабына ачлыгы-ялангачлыгы да, бәхете, михнәте дә - бар да сыйган.
Зәйтүнә Зарифулла кызы тумышы белән Кече Чынлы авылыннан. Кече яшьтән үк, апалары белән беррәттән колхоз басуында бәрәңге, кишер, чөгендер, кәбестә игү эшендә була. Сугыш башлангач, б кызны мәктәпкә укытучы булып билгелиләр.
Бүгенгесе көндә юбилярның 7 оныгы, 6 оныкчыгы бар.
Зәйтүнә апаны район Башлыгы урынбасары Алексей Сарафанов һәм Иске Чүпрәле авыл җирлеге Башлыгы урынбасары Рамил Низамов котладылар. Алар юбилярга якыннарының кадер-хөрмәтендә, озын-озак яшәвен теләделәр, фидакарь хезмәте өчен рәхмәт әйтеп, Россия Президенты В.Путинның котлау открыткасын, район Башлыгы Марат Гафаров исеменнән истәлекле бүләк һәм чәчәкләр тапшырдылар.