Чүпрәле укучысы - татар теле һәм әдәбиятыннан VII халыкара олимпиада призеры
25 нче апрельдә Казан шәһәренең Идел буе дәүләт физик тәрбия, спорт һәм туризм академиясендә татар теле һәм әдәбиятыннан VII халыкара олимпиада җиңүчеләрен бүләкләделәр.
Быелгы олимпиадада Россиянең 26 төбәгеннән 191,15 ләп чит илдән 50 гә якын, Татарстаннан 250 катнашучы үз көчләрен сынады. Олимпиадада 20 кеше җиңүче итеп билгеләнде, 60 кеше олимпиаданың призерлары булды.
Әлеге олимпиадада безнең районнан да Зур Чынлы урта мәктәбенең 10 нчы сыйныф укучысы Шараева Эльвира Айрат кызы катнашты. Җитәкчесе 1нче категорияле татар теле һәм әдәбияты укытучысы Хаярова Гөлшат Алирза кызы. Шараева Эльвира олимпиадада призер булды, Мәгариф һәм фән министрлыгының дипломы, кыйммәтле бүләге белән бүләкләнде. Эльвираны әлеге җиңүе белән котлыйбыз һәм киләчәктә дә зур уңышларга ирешүен телибез.
Тантанада җиңүчеләр өчен җырчылар Айсылу Габдинова, Фирдүс Тямаев, Гүзәл Уразова, “Казан егетләре”ннән музыкаль бүләкләр яңгырады.