Устинья апа шатлыгы

2018 елның 3 декабре, дүшәмбе

     Ветераннарның район советы рәисе Роберт Закиров Чуваш Чүпрәлесе авылында яшәүче Устинья Кудрявцевага инвалидлар өчен махсус эшләнгән һәм хәрәкәт итү өчен бик кирәкле булган коляска тапшырды.

   - Республика ветераннар оешмасы откан грант нигезендә менә шушындый тугыз данә коляска алынган. Шуның берсен сезгә китердек, - диде Роберт Фәизович, колясканы тапшырганда.

   Әлеге проект нигезендә, республика буенча ниндидер сәбәпләр аркасында инвалид буларак теркәлмәгән, әмма сәламәтлекләре буенча әлеге төр хәрәкәт итү җайланмасына мохтаҗ булганнар бирелә.