Чүпрәледә «Тату сыйныф серләре» республикакүләм конкурсының муниципаль этабы узды
2018 елның 26 ноябрендә Чүпрәледә ата-аналар комитетының «Тату сыйныф серләре» конкурсы узды.
Тату сыйныф серләре» ата-аналар комитеты конкурсы Татарстан Республикасы Мәгариф һәм фән министрлыгы һәм «Гаиләгә социаль ярдәм һәм гаилә кыйммәтләрен яклау милли ата-аналар ассоциациясе» бөтенроссия иҗтимагый оешмасы тарафыннан үткәрелә. Аның төп максаты-мәктәп укучыларын тәрбияләүдә мәгариф оешмалары һәм ата-аналар комитетларының үзара хезмәттәшлегенең иң яхшы тәҗрибәсен ачыклау һәм популярлаштыру.
Муниципаль этапта командалар «Тату сыйныф серләре» визит карточкасы, "Безнең күңелле дус классыбыз" күргәзмәсе, "Гаилә һәм мәктәпнең үзара хезмәттәшлеге: проблемалар һәм аларны чишү юллары" проекты тәкъдим иттеләр. Ата-аналар комитетлары бер юнәлеш буенча үз эшчәнлеген тәкъдим итте:
- сәламәт яшәү рәвеше;
- хезмәт тәрбиясе;
- һөнәри юнәлеш бирү;
- экологик тәрбия;
- гражданлык активлыгы;
- укучыларны социальләштерү.
Нәтиҗәдә, 1 урынны 1 нче номерлы Иске Чүпрәле урта гомуми белем бирү мәктәбенең ата-аналар комитеты командасы яулады. Алар конкурсның зона этабында чыгыш ясарга тиеш булалар.
Без аларны котлыйбыз һәм уңышлар телибез!