Парклар һәм скверлар көне кысаларында Чүпрәледә спорт мәйданчыклары ачылды

2015 елның 7 сентябре, дүшәмбе
Парклар һәм скверлар көне кысаларында районда дүрт спорт мәйданчыгы  ачылды. Шуларның берсе 114 номерлы район янгын сүндерү часте территориясендә урнашкан.

Чүпрәлеләрне сәламләп, ТРның монополиягә каршы хезмәте начальнигы урынбасары ИгорьПавлов, мондый төр спорт мәйданчыкларның төзелүе республикада яшәүчеләр арасында сәламәт тормыш рәвеше алып баруга юнәлдерелүен әйтте.

-Республика халкы өчен бар уңайлыклар тудырыла. Иң мөһиме халкыбыз сау-сәламәт һәм көчле рухлы булсын,-диде ул.

Район Башкарма комитеты җитәкчесе Шәүкәт Алиуллов үткән ел районда  җиде шундый ук спорт мәйданчыгының кулланылышка тапшырылуын әйтеп үтте.

-Быел районда дүрт яңа спорт мәйданчыгы төзелде: Хорновар-Шигали, Шланга һәм Зур Аксу авылларында һәм менә район үзәгендә. Спорт яратучылар өчен, шулай ук һәркем  теләсә кайсы вакытта шөгыльләнер өчен менә дигән мөмкинлек бу. Шушы мәйданчыкларында тәрбияләнеп үскән яшьләребез арасыннан киләчәктә спортчылар чыгар дип өметләнәбез,-диде.

-Спортмәйданчыгының янгын сүндерү часте янәшәсендә урнашуы хезмәткәрләрнең һәрчак физик әзерлекле булуында һәичшиксез зур рольуйнаячак. Янгын сүндерүчеләр хезмәтендә исә бу бик мөһим. Әмма мәйданчыкның ишекләре башкалар өчен дә һәрчак ачык булачак, рәхәтләнеп килегез, шөгыльләнегез,-диде райондагы гадәттән тыш хәлләр хезмәте начальнигы Васлий Битяков.

Чараның тантаналы өлешеннән соң, кунаклар шәхси имзалары төшерелгән тупны тапшырдылар һәм мәйданчыкта янгын сүндерү командалары арасында дустанә уен узды


Гөлия Фәизова

Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: 8(84375)2-21-70
Факс: 8(84375)2-22-71
E-Mail: chuprale@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International