Чүпрәле муниципаль районы

Аналар хөрмәтенә Чүпрәледә һәйкәл ачылды

2014 елның 24 ноябре, дүшәмбе

Сын районның үзәк паркында урнаштырылды. Аның авторы – танылган сынчы Владимир Нагорнов. Сын шигырьләрдә, җырларда һәм риваятьләрдә сөйләнгән тыл хезмәтчәне, гомер бирүче, баласына йөрәген бирергә әзер булган аналарга багышланган. Аларга авыр сугыш елларын узарга һәм буыннан буынга биргән җылылык һәм кайгыртуны сакларга туры килгән. Бөек Җиңүнең 70 еллыгын бәйрәм итү алдыннан һәйкәл ачылышы символик һәм тарихи вакыйга булып тора. Аналарга һәйкәл ачылышында РФ Генераль прокурорының ИФО буенча урынбасары Сергей Зайцев, Татарстан Республикасы Премьер-министры Илдар Халиков, Чүпрәле районы башлыгы Александр Шадриков, һәм Татарстан Республикасының элеккеге прокуроры Сәйфихан Нәфиевне искә алырга килгән кунаклар катнашты. Александр Шадриков кунакларны сәламләп, Чүпрәле районы һәрвакыт тыл хезмәтчәннәре, авыр сугыш елларын уңышлы узган хатын-кызлар белән дан тотты, алар кырда уңыш та җыйган, малайлар һәм кызлар да тәрбияләгән, диде. Шулай ук район башлыгы һәйкәлне куюда катнашучыларга рәхмәт белдерде.

Һәйкәл авторы Владимир Нагорный аның иҗаты аналарга мәхәббәт аша төрле буыннарны берләштерүен теләде. Социаль яклау идарәсе башлыгы Антонина Хәлилова: “Әни – ул кеше тормышында иң кадерле кеше. Һәйкәл ачылышы – гомер буе безгә мәхәббәтен белдерүче затларга хөрмәт белдерү”, - диде.

Бүген Чүпрәле районында 335 күп балалы гаиләдә 1000 нән артык бала тәрбияләнә. 65 анага ТР “Ана даны – Материнская слава” медале тапшырылган. Бер гаилә “Ата-ана даны” ордены белән бүләкләнгән. Районда 130 ана “Батыр ана” медаленә ия.

Сын бронзадан ясалган һәм постаментка куелган, биеклеге 3 метр.

Гөлия Фәизова

БАРЛЫК ЯҢАЛЫКЛАРНЫ УКУ