Түбән Чәке авылы китапханәсендә «Әбиләр һәм бабайлар көне" узды

Түбән Чәке  авылы китапханәсе залында «Әбиләр һәм бабайлар көнен» билгеләп үттек.

Әйе, көн артыннан көн үтә, алар белән гомерләр дә шулай тиз уза. Узган гомернең һәр көне үзенә бер бәйрәмгә әйләнә. Әбиләр һәм бабайлар көнен билгеләп үтү идеясы Голландиядә туа. Ә инде Россиядә бу башлангычны бик шатланып күтәреп алалар. Уйлап карасан, бу бик әһәмиятле тәрбия чарасы да бит әле. Бәйрәм- һәр өйдә берничә буын вәкилләренең бәйләнешен чагылдыручы чара, гаилә җепләренең ныгуын тасвирлый. Әбилэр һәм бабайлар үзләрен гаиләдә кирәклекләрен, ярдәмче булуларын тоялар. Бәйрәм китапханә мөдире Владимир Токмаковның «Бала тәрбияләүдә әбиләр һәм бабайлар роле» дигән темага багышланган чыгышы белән башланып китте. -Бала тәрбияләүдә әбиләр һәм бабайлар сезнең ролегыз бик зур. Сез балаларыгызның, оныкларыгызның якын ярдәмчеләре. Бәхетле, озак яшәгез, нык сәламәтлек, иминлек телим, хөрмәтле өлкәннәребез,- диде Владимир Васильевич. Очрашуның икенче өлешендә Вера Шишкина-12оныкның әбисе, Борис Албутов-7оныкның бабасы, Фирүзә һәм Роберт Заһидуллиннар- 6 оныкның бабасы һәм әбисе, Шамил Мөбинов- 3 оныкның бабасы, Валентина Калмандаева 2 оныкның әбисе оныкларының истәлекле көннәре, иң бәхетле мизгелләре турында искә төшереп үттеләр, үзләренең тәрбия чаралары белән уртаклаштылар. Очрашуның музыкаль өлешендә Шамил Мөбинов-  гармунда, Владимир Токмаков үзе баянда уйнап, бик матур итеп җырлады. Ахырда әби- бабайларны чәй өстәле артына чакырдылар. Без әбиләр, бабайлар рәхәтләнеп сөйләшеп утырдык. Безне,олыларны хөрмәт итеп шундый бәйрәм ясап очраштырган очен китапханә мөдире Владимир Токмаковка, Наташа Токмаковага һәм барлык  оештыручыларга бик зур рәхмәтлебез. 

Фирүзә Заһидуллина