Сайлау көнендә Чүпрәле районында хезмәт ветераны Әмир Алимовны 95 яше белән котладылар
Юбилярга РФ Президентыннан котлау һәм истәлекле бүләкләр тапшырылды.
Бүген, 20 сентябрьдә, РФ Дәүләт Думасына депутатлар сайлау көнендә, Чүпрәле районы Зур Чынлы авылында яшәүче Әмир Сибгатулла улы Алимовны 95 яшьлек юбилее белән котладылар.
Юбилярга Россия Федерациясе Президенты исеменнән котлауларны, шулай ук истәлекле бүләкләрне Башкарма комитет җитәкчесенең социаль мәсьәләләр буенча урынбасары Айрат Җәлалов һәм авыл җирлеге башлыгы Фаил Фәтхуллов тапшырдылар.
Айрат Җәлалов ветеранга сугыш һәм сугыштан соңгы еллардагы хезмәте өчен чын күңелдән рәхмәт белдерде, аңа иминлек, нык сәламәтлек, туганнары һәм якыннары ягыннан кайгыртучанлык һәм игътибар теләде.
Әмир Сибгатулла улы Алимов Олы Чынлы авылында туган. Сугыш чоры авырлыклары җилкәсенә төшкән өлкән буын вәкиле буларак, ул кечкенәдән колхоз эшләренә тартыла. Өлкәннәр белән бергә кырда хезмәт куя, соңрак озак еллар колхозда төзүче булып эшли. Хатыны белән бергә алар биш бала тәрбияләп үстерәләр. Хәзерге вакытта Әмир абый улы һәм кызы белән туган авылында яши.
Олы яшьтә булуына карамастан, юбиляр мөһим вакыйгадан читтә калмады-бүген ул үзенең гражданлык бурычын үтәде һәм өйдә тавыш бирде.