Чүпрәле районы Башлыгы Марат Гафаров тыл хезмәтчәннәрен котлады
Бәйрәм хөрмәтенә район Башлыгы ветераннарга Татарстан Республикасы Рәисенең котлавы белән азык-төлек җыелмасы һәм чәчәкләр тапшырды.
–Сезнең сугыш елларындагы куйган фидакарь хезмәтегез–безнең барыбыз өчен дә батырлык һәм ныклык үрнәге ул. Җиңүгә һәм илебезне торгызуга керткән өлешегез өчен зур рәхмәт Сезгә,- дип билгеләп үтте район башлыгы, тыл хезмәтчәннәренә мөрәҗәгать итеп.
Өлкәннәрнең һәммәсе сугыш елларында колхозда эшләгән, окоплар казыган, урман кискән. Аларның күпчелегенә белем алу мөмкинлеге булмаган. Шуңа да карамастан, лаеклы тормыш юлы узып, һәркайсы балалар үстереп, лаеклы шәхесләр тәрбияләгәннәр, һәммәбез өчен үрнәк булып торалар. Үзләренең истәлекләрендә дә алар һич кенә дә ул еллардагы авырлыкларга зарланмыйлар. Бер гасырга якын гомер юлы узып, тормыш көрлеген саклап кала алганнар.
Җылы очрашу барышында да республика һәм район җитәкчелегенә игътибар һәм кайгыртучанлык күрсәткәннәре өчен рәхмәтләр белдерделәр.