Чүпрәле тармак технологияләре техникумында һөнәрләр фестивале һәм вакансияләр ярминкәсе узды
Укучылар перспективалы һөнәрләр турында белү генә түгел, кайда кирәкле белгечлек алырга мөмкин булуын үз күзләре белән күрделәр.
18 апрельдә Чүпрәле тармак технологияләре техникумында киң колачлы һөнәри юнәлеш бирү чарасы — Бөтенроссия эшкә урнаштыру ярминкәсенең төбәк этабы һәм һөнәрләр фестивале булды.
Чарада “Молко Дрожжаное” ҖЧҖ, “Чүпрәле Таң Агро” ҖЧҖ, “Прогресс” МУП, Чүпрәле муниципаль районы башкарма комитеты, “Чүпрәле тармак технологияләре техникумы” ДАҺБУ вәкилләр катнашты.
Сәламләү сүзләре белән Роберт Низамов, халыкны эш белән тәэмин итү үзәге җитәкчесе, Фәнил Яфизов, тармак технологияләре техникумы директоры чыгыш ясадылар.
Чарага техникум студентлары, шулай ук Уби, Яңа Уби, Чуашиянең Бичүрга -Баеш урта мәктәпләренең 9 класс укучылары килде.
Укучылар кирәкле һөнәрләр турында белү генә түгел, техникум буенча экскурсияләрдә булдылар, анда укыту остаханәләре һәм лабораторияләрен карадылар.
Ярминкәнең максаты-эш бирүчеләргә кадрлар табарга ярдәм итү, ә яшьләргә һөнәр һәм эшкә урнашуны билгеләү.