Бөек Ватан сугышы ветераннарына кулланучылар хокукларын яклау мәсьәләләре буенча консультацияләр һәм практик ярдәм күрсәтү

Игътибар! 16 апрельдән Роспотребнадзор Идарәсе тарафыннан Бөек Ватан сугышы ветераннарына кулланучылар хокукларын яклау мәсьәләләре буенча консультацияләр уздыру һәм практик ярдәм күрсәтү оештырылды.

Татарстан Республикасы буенча Роспотребнадзор идарәсе 1941-1945 еллардагы Бөек Ватан сугышында Җиңүнең 80 еллыгын бәйрәм итүгә әзерлек кысаларында ветераннарга кулланучылар хокукларын яклау мәсьәләләре буенча аларның яшәү урыннарына барып консультация оештыра.

Консультацияләр вакытын, урынын һәм күздә тотылган мәсьәләләрне килештерү өчен Роспотребнадзорның Татарстан Республикасы буенча идарәсенең Буа территориаль бүлегенә 8(84374) 3-52-89, 3-17-04, 8(84373) 2- 52-59, 8(84375) 2-22-91 телефоннары аша мөрәҗәгать итәргә кирәк.

Шалтыратулар эш көннәрендә 10.00 сәгатьтән 16.00 сәгатькә кадәр, төшке ашка тәнәфес белән 12.00 сәгатьтән 13.00 сәгатькә кадәр яки Буа шәһәре Еремов ур., 135 в. адресы буенча кабул ителә.