Татарстан Республикасы Чүпрәле муниципаль районының Чуваш Чүпрәле авылында яшәүче Михаил Трофимовичка 90 яшь тулды
Хезмәт ветеранының 9 оныгы һәм 12 оныкчыгы бар, алар уңышлары белән бабаларын сөендереп торалар.
Татарстан Республикасы Чүпрәле муниципаль районының Чуваш Чүпрәле авылында яшәүче Михаил Трофимович Синдюковка бүген 90 яшь тулды.
Юбилярны котларга Татарстан Республикасы Чүпрәле муниципаль районы Башлыгы урынбасары Алексей Ярухин, Чуваш Чүпрәле авыл җирлеге башлыгы Виталий Землемеров һәм Чуваш Чүпрәле авылы ветераннар советы рәисе Зоя Кузнецова килделәр.
Алексей Ярухин Михаил Трофимовичны юбилее белән җылы котлады, район Башлыгының Котлау хатын, бүләкләр тапшырды. Кунаклар ветеранга сәламәтлек, җылылык, тыныч картлык теләделәр.
Михаил Трофимович 1935 елның 12 апрелендә Чуваш Чүпрәле авылында туа. Юбиляр гомер буе туган колхозда, «туган илендә» тракторчы булып эшләгән. Юбилярның балалары сөйләвенчә, әтиләре 40 елдан артык тракторчы булып эшләгән. Аның колхоздан, районнан, авыл хуҗалыгы һәм азык-төлек идарәсеннән бик күп Рәхмәт хатлары бар. Гаиләсен ул авылдашы Валентина Александровна белән төзегән.
Валентина Александровна һәм Михаил Трофимович Синдюковлар гаиләсендә алты бала, өч ул һәм өч кыз үскәннәр.
Алар үзләренең барлык балаларына лаеклы белем бирергә тырышканнар, аларга бу тормышта үз урыннарын табарга ярдәм иткәнәр. Михаил Трофимовичның барлык балалары да гаилә корып әтиләренә оныклар бүләк иткәннәрр.
Михаил Трофимовичның хатыны Валентина Александровна гомер буе колхозда эшләгән, төрле елларда дуңгызлар караучы да, сыер савучы да булып эшләгән. Михаил Трофимович, лаеклы ялга чыккач та, колхозда эшләвен дәвам итә. Михаил Трофимовичның балалары билгеләп үткәнчә, аларның әтиләре 70 яшькә кадәр колхозда эшләгән.
- Без әти-әниебезгә тәрбия биргәннәре өчен бик рәхмәтле. Һәм безне, балаларны, әни белән икәү тәрбияләделәр, безгә белем бирделәр, тормыш юлына басарга ярдәм иттеләр. Әтигә һәм әнигә зур рәхмәт, - дип сөйли хезмәт ветеранының кызы.
Михаил Трофимович бүген балаларының ярдәменә мохтаҗ һәм шуңа күрә хәзерге вакытта кызының гаиләсе белән Хайбулдино авылында яши.
Бүгенге көндә хезмәт ветеранының 9 оныгы һәм 12 оныкчыгы бар, алар уңышлары белән бабаларын сөендереп торалар. Һәм юбилей көнендә барлык балалары, оныклары, оныкчыклары әтиләре һәм бабалары янына юбилее белән котларга килгәннәр.