2025 елгы язгы чакырылыш: Татарстан Республикасы Чүпрәле муниципаль районы егетләре хәрби хезмәткә әзер
Язгы чакырылыш 1 апрельдән 15 июльгә кадәр бөтен ил буйлап уза.
Чүпрәле муниципаль районы Башкарма комитеты җитәкчесе Рөстәм Мөхәмәтҗанов җитәкләгән чакырылыш комиссиясенә мәгариф, хокук саклау органнары, хәрби комиссариат һәм сәламәтлек саклау вәкилләре керә.
Комиссиянең төп бурычы-чакырылучыларны сайлап алу һәм РФ Кораллы Көчләрендә хезмәт итүгә әзерләүне оештыру.
Татарстан Республикасы Чүпрәле районының хәрби хезмәткә чакыру комиссиясе эшендә Татарстан Республикасы Буа һәм Чүпрәле районнарының хәрби комиссары Радик Төхфәтуллин катнаша.
Исегезгә төшерәбез, язгы чакырылыш турындагы указга РФ Президенты Владимир Путин кул куйды. Документ нигезендә, 2025 елның 1 апреленнән 15 июленә кадәр вакытлы хәрби хезмәткә запаста тормаган 18-30 яшьлек россиялеләр 160 мең кеше чакырылачак.
Хезмәт срогы 12 ай тәшкил итә.
- Комиссия әгъзалары ике көн дәвамында хәрби хезмәткә чакырылучыларның шәхси эшләрен, характеристикаларын һәм медицина документларын өйрәнәләр, һәрберсе белән әңгәмә коралар. Егетләр үзләренең белемнәре, гаилә хәле һәм хезмәт итәргә әзер булулары турында сөйләделәр, - дип җиткерде комиссия эше турында хәрби комиссар.
Районыбыздан беренче төркем хезмәт итү урыннарына 15 апрельдә үк юл тотачак. Алар барысы да Россия Федерациясе территориясендә урнашкан төрле хәрби частьләргә җибәреләчәк. Рәсми мәгълүматларга караганда, хәрби хезмәткә чакырылучылар махсус хәрби операция зонасында катнашмаячак.