Җиңүнең 80 еллыгы уңаеннан йөзү буенча районара ярышлар Чүпрәле районында узды
Бүген, 5 апрель көнне «Акчарлак» йөзү бассейнында спорт мәктәпләрендә тәрбияләнүчеләр арасында йөзү буенча Районара шәхси-команда беренчелеге узды. Ярышлар Бөек Ватан сугышында Җиңүнең 80 еллыгына багышланган иде.
Турнирда 2012 елда туган һәм аннан яшьрәк 120дән артык бала катнашты.
Ярышларда дүрт команда: Чүпрәле районы, Буа шәһәре, Шомыршы районы, Батыр авылы катнашты.
Тантаналы ачылыш Чүпрәле муниципаль районы башкарма комитеты җитәкчесе урынбасары Айрат Җәлаловның сәламләү сүзе белән башланып китте, ул катнашучыларга ышаныч, лаеклы көрәш һәм якты җиңүләр теләде.
Яшь йөзүчеләр төрле яшь категорияләрендә һәм йөзү стильләрендә көч сынаштылар. Йөзү нәтиҗәләре буенча малайлар һәм кызлар арасында иң көчле спортчылар билгеләнде, алар лаеклы медальләр һәм грамоталар алдылар.
Моннан тыш, командаларга районара ярышлар Кубогы тапшырылды:
1 урын – Чүпрәле районы
2 урын – Батыр авылы
3 урын – Шомыршы районы
Ярышларда күрсәтелгән нәтиҗәләр ГТО комплексы нормативларын үтәү исәбенә кертелә.
Исегезгә төшерәбез, ГТО комплексы «Физик культура һәм спортны үстерү» дәүләт программасы кысаларында гамәлгә ашырыла.