Татарстан Республикасы Чүпрәле муниципаль районында “Өченче яшь” Республика IT-олимпиадасының муниципаль этабы узды
2025 елның 3 апрелендә 1 нче номерлы Иске Чүпрәле урта мәктәбендә өлкән, урта һәм кече яшьтәге гражданнар арасында «Буыннар бәйләнеше» компьютер ярышлары буенча «Өченче яшь» Республика IT — олимпиадасының муниципаль этабы узды.
Шунысын да билгеләп үтәргә кирәк, «Буыннар бәйләнеше» компьютер ярышлары буенча «Өченче яшь» IT – олимпиадасы ел саен үткәрелә һәм чемпионатның муниципаль этабында җиңүчеләр республика этабында районыбыз данын яклаячак.
Әлеге чара мәгълүмат технологияләре өлкәсендә өлкән яшьтәге гражданнарның белем дәрәҗәсен күтәрүгә, компьютерда эш итү күнекмәләрен үстерүне һәм көндәлек тормышка мәгълүмат технологияләрен кертү процессларын стимуллаштыруга юнәлдерелгән.
Россия Пенсионерлар берлегенең Татарстан Республикасы буенча төбәк бүлеге 2006 елдан башлап өлкәннәргә карата «Актив озын гомер» сәясәтен эзлекле рәвештә тормышка ашыра, ул өлкән кешенең актив гомерен озайтуның төп юнәлешләренең берсе буларак белем бирүне күздә тота. Шул нигездә ел саен районда «Өченче буын университеты» коммерцияле булмаган мәгариф учреждениесендә өлкән яшьтәге кешеләрне белем бирү программалары, шул исәптән әлеге категория гражданнарга аеруча кирәкле махсус компьютер программалары буенча укыту оештырыла.
Күп төрле компьютер ярышлары буенча чемпионатта катнашучыларны Чүпрәле районы Башкарма комитеты җитәкчесенең социаль мәсьәләләр буенча урынбасары Айрат Җәлалов һәм Россия Пенсионерлар берлегенең җирле бүлеге рәисе Дилүзә Азизова җылы сәламләделәр.
Алар олимпиадада катнашучыларга уңышлар, җиңел җиңүләр теләделәр.
Олимпиада вакытында катнашучылар компьютер белеме буенча төрле биремнәр башкардылар. Билгеле бер вакыт эчендә катнашучылар тест биремнәренә җавап бирергә, биремнәрнең практик өлешен үтәргә тиеш иде.
Биремнәр төрле катлаулылык дәрәҗәсендә булды. Чемпионатта катнашучылар компьютер белеме буенча барлык сынауларны да, һәм олимпиаданың барлык биремнәрен дә намус белән үтәделәр.
Шунысын да билгеләп үтәсе килә, барысы да биремнәрне үтәделәр. Иң уңышлылары дип өлкән яшьтәге өч катнашучы танылды: жюри нәтиҗәләре буенча иң күп балл җыеп, Равия Вәлеева, Геннадий Карсаков һәм Зоя Кузнецова дипломнар белән бүләкләнделәр. Аларга һәм Чемпионатта катнашучыларның барысына да компьютер ярышлары буенча «Өченче яшь» IT - Олимпиадасында катнашкан өчен сертификатлар һәм истәлекле бүләкләр тапшырылды.
Ә иң яхшылар дип Вәлиевлар командасы Равия Вәлиева һәм аның оныклары Раилә һәм Илина Сармановлар танылды. Алар 2025 елның апрель аеның икенче яртысында Казан шәһәрендә узачак «Буыннар бәйләнеше» күп төрле компьютер ярышлары буенча «Өченче яшь» Республика IT – олимпиадасының икенче этабында район данын яклаячаклар.
Аларга алга таба да уңышлар телибез!