Чүпрәлеләр “Созвездие-Йолдызлык” фестивалендә югары дәрәҗәдә чыгыш ясадылар
Быел фестиваль 25 нче юбилей елын билгеләп үтә.
28-29 мартта Тәтеш шәһәрендә “Созвездие-Йолдызлык 2025” республика фестиваленең зона туры узды, анда Чүпрәле районыннан 53 талантлы катнашучы чыгыш ясады. Безнең артистларыбыз матур номерлар күрсәттеләр, район данын лаеклы күрсәттеләр, күпсанлы призлы урыннар яуладылар.
Җиңүчеләр һәм призерлар:
1 урын-Хасанова Аделина
2 урын - «Яз нуры» вокаль ансамбле, Сәгъдиев Әмирхан, Хасанова Риана
3 урын— «Таң» халык хореография ансамбле, Хасанова Эллария һәм Вәлиуллин Богдан дуэты, Вилданов Камил һәм Кудрявцева Валерия дуэты, Сабирҗанова Азалия
Калган барлык катнашучылар да югары дәрәҗәдәге осталыкларын раслаучы дипломнар алдылар.
19 апрельдән 24 апрельгә кадәр фестивальнең суперфиналы, ә 30 апрельдә Казанда зур гала-концерт узачак, анда иң яхшылар җыелачак. Талантларыбызга уңышлар һәм яңа җиңүләр телик!