Чүпрәле районында “Авылның сәләтле балалары!” хәйрия акциясе узды
Чара Дәүләт Думасы депутаты Айрат Фәррахов һәм эшмәкәрләр төркеме ярдәмендә узды.
27 март көнне Чүпрәле мәдәният йортында фәндә, иҗатта, спортта һәм башка өлкәләрдә зур уңышларга ирешкән яшь талантларга ярдәм итүгә юнәлдерелгән “Авылның сәләтле балаларына!” тантаналы акциясе узды.
Проект авылларда яшәүче сәләтле һәм хезмәт сөючән балаларга алга таба үсеш өчен мөмкинлекләр тудыруда ярдәм итәргә тиеш. Махсус комиссия муниципаль, республика, бөтенроссия һәм хәтта халыкара конкурсларда җиңүчеләрне һәм призерларны сайлап алды.
Акция VIII чакырылыш РФ Дәүләт Думасы депутаты, бюджет һәм салымнар комитеты әгъзасы Айрат Зәки улы Фәррахов, шулай ук Мәскәү һәм Казан эшмәкәрләре ярдәме белән оештырылды.:
Политаев Михаил
Лукьянов Илья
Бочарников Руслан
Абдрахманова Ләйлә
Сәмигуллин Ренат
Турашев Нурлан
Насыйбуллин Руслан
Зыятдинов Дамир
Сәламләү сүзе белән Чүпрәле районы Башлыгы Марат Гафаров һәм Айрат Фәррахов чыгыш ясадылар:
“Бүген биредә иң актив балалар җыелды – конкрет нәтиҗәләр, һәм лидерлык сыйфатларын күрсәтүчеләр, кыенлыкларны җиңүчеләр һәм яңа казанышларга әзерләр”, - дип билгеләде депутат.
Авыл балалары ярдәм фонды җитәкчесе Ләйлә Абдрахманова һәм Михаил Политаев шулай ук яшь талантларга мөрәҗәгать иттеләр:
“Без алда сезне уңыш көтәчәгенә ышанабыз. Тырышыгыз, кыю булыгыз-сезнең киләчәгегез зур!”- дип ассызыклады Ләйлә Абдрахманова.
“Балаларга хезмәтләре һәм үҗәтлекләре өчен рәхмәт. Уңышка ирешү юлында җитди адым бу – киләчәктә дә шундый булырга!"- дип өстәде Михаил Политаев.
Акциядә катнашучыларга кыйммәтле бүләкләр тапшырылды: ноутбуклар, спорт инвентаре, музыка кораллары һәм иҗат өчен материаллар. Шулай ук Дәүләт Думасы депутатыннан балаларны уңышларга илһамландыручы педагоглар һәм тренерлар Рәхмәт хатлары алды.
Бу проект - матди ярдәм генә түгел, ә талантлы балалар өчен тигез мөмкинлекләр булдыруда мөһим адым.