Ангелина Гордеева «Әти, әни, Мин-ГТО гаиләсе» онлайн – акциясенең район этабында җиңүче булды

Акциянең муниципаль этабы 2025 елның 20 февраленнән 20 мартына кадәр барлык муниципаль берәмлекләрдә узды, республика этабы 2025 елның 20 мартыннан 28 мартына кадәр барачак.

«Әти, әни, Мин — ГТО гаиләсе» республика онлайн акциясенең муниципаль этабына йомгак ясалды. Ватанны саклаучылар елына һәм Бөек Җиңүнең 80 еллыгына багышланган «Әти, әни, Мин - ГТО гаиләсе» республика онлайн акциясенең муниципаль этабында Зур Аксу урта мәктәбе укучысы Гордеева Ангелина (11 яшь) җиңүче булды.

Ангелинаны лаеклы җиңүе белән котлыйбыз һәм акциянең республика этабында уңышлар телибез.

Исегезгә төшерәбез, «Әти, әни, Мин — ГТО гаиләсе» республика онлайн акциясе ГТО хәрәкәтендә катнашучылар тарафыннан Ватанны саклаучыларны популярлаштыру буенча видеороликлар конкурсы. Акциянең муниципаль этабы 2025 елның 20 февраленнән 20 мартына кадәр барлык муниципаль берәмлекләрдә узды. Республика этабы 2025 елның 20 мартыннан 28 мартына кадәр барачак.

Исегезгә төшерәбез, ГТО комплексы «Физик культура һәм спортны үстерү» дәүләт программасы кысаларында гамәлгә ашырыла.