Татарстан Республикасы Чүпрәле муниципаль районында яшәүче Кадрия Алиакберова 90 яшьлек юбилеен билгеләп үтте
Татарстан Республикасы Чүпрәле муниципаль районының Иске Шәйморза авылында яшәүче хезмәт ветераны Кадрия Алиакберова 2025 елның 21 мартында 90 яшьлек юбилеен билгеләп үтте.
Кадрия Яхьевнаны истәлекле дата белән Татарстан Республикасы Чүпрәле муниципаль районы Башкарма комитеты җитәкчесе Рөстәм Мөхәмәтҗанов һәм Иске Шәйморза авыл җирлеге башлыгы Илһамия Мухитова котладылар. Алар аңа сәламәтлек, тынычлык, муллык, матур көннәр, туганнарының һәм якыннарының җылысын һәм кайгыртып яшәүләрен теләделәр, һәм Чүпрәле муниципаль районы башлыгы Марат Гафаров исеменнән шәхси котлау сүзләре, бүләкләр һәм чәчәкләр тапшырдылар.
Кадрия Алиакберова Иске Шәйморза авылында туып үскән. Алар гаиләдә 8 бала: өч малай һәм 5 кыз. Кадрия апа иң кечесе. Кадрия апа сөйләвенчә, аның өч абыйсы Бөек Ватан сугышында катнашкан һәм фронтта һәлак булган. Кадрия апаның әтисе Яхья абый үз вакытында колхоз рәисе булган. Юбилярша искә төшергәнчә, аларның колхозы бай булган, шуңа күрә ул тормыштан зарланмый. “Әти белән әни иртүк эшкә китәләр, соң гына кайталар.
Әти эштән соң да, ашап-эчеп, яңадан эшкә китә, анда барысын да тикшерә һәм төнлә соң гына йокларга килә иде. Өйдә балаларына ризык булмаганнарга һәрвакыт ярдәм итәргә, ач булган гаиләләрне тәэмин итәргә тырыштым", - дип сөйли ветеран. Бүгенге көндә биш баланың икесе генә исән кала: Кадрия апа һәм хәзерге вакытта Әтнә районында яшәүче апасы Мөнәвәрә апа.
Төрле елларда Кадриягә ул чактагы Буденный районының мәдәният бүлегендә дә эшләргә туры килә, ә Буденный районы беткәч, Кадрия апа Иске Чүпрәле район үзәгендә башта балалар бакчасында, аннары народный судта эш башкаручы булып эшли. Иске Шәйморза авылында балалар бакчасы эшли башлагач, ул туган авылына кайтып шунда эшкә урнаша. Һәм ул инде туган авылын ташлап китмәде, пенсиягә чыкканчы балалар бакчасында эшләде.
Ире Тимерша абый белән өч бала: ике кыз һәм бер малай тщрбиялщп ъстерщлщр. Алар үзләренең барлык балаларына яхшы тәрбия бирергә, лаеклы белем алырга һәм бу тормышта үз урыннарын табарга ярдәм иттеләр. Тимерша абый гомере буе «Сельхозтехника»да, пенсиягә чыкканчы, район үзәгендә шофер булып эшләгән, ә пенсиягә чыккач, туган колхозында эшләвен дәвам иткән.
Бүген Кадрия апаның барлык балалары да төрле шәһәрләрдә яши. Моннан ике ел элек Кадрия апаның 56 ел бергә гомер иткән ире Тимерша абый бу дөньядан киткән. Бүген юбиляр үз йортында ялгызы гына яши.
Авылда Кадрия апаның туганнан туган энесе Зөфәр Алиакберов яши, ул аңа хуҗалыкта ярдәм итә. Аның балалары да еш кына әниләре янына килергә һәм аңа һәрнәрсәдә ярдәм итәргә тырышалар.
Кадрия апаның 3 оныгы бар. Юбилей көнендә барлык балалары һәм оныклары әниләрен һәм әбиләрен туган көн белән котларга килгәннәр.
Кадрия апа бик актив, эшсез утырырга яратмый, хәрәкәттә; тәрәзә төбендә төрле яшелчә үсентеләре үсә. Үз хуҗалыгы белән шөгыльләнә, бәрәңге дә үстерә, үз теплицасы бар, тавыклар тота.
— Безнең авылда һава да чиста, шифалы, шуңа күрә безнең авылда озак яшәүчеләр дә күп,- дип шаярта Кадрия апа.
Кадрия апага 90 яшь тулуына ышанып та булмый. Ул бүген дә күтәренке күңелдә, күзләре янып тора. Юбилярга нык сәламәтлек, озын гомер телибез.