Татарстан Республикасы Чүпрәле муниципаль районында футбол буенча «Мәктәп футбол лигасы» ярышлары узды
2025 елның 20 мартында «Алтын» спорт комплексы базасында 2024-2025 елгы «Мәктәп футбол лигасы» республика ярышының муниципаль этабы булып узды. Чара Ватанны саклаучылар елында һәм Бөек Ватан сугышында Җиңүнең 80 еллыгын бәйрәм итү алдыннан үткәрелде.
Ярышларда катнашучыларны мәгариф бүлеге начальнигы Газинур Хәлиуллов һәм мәгариф бүлеге методисты Илнур Мәвзютов сәламләде. Алар барлык катнашучыларга сәламәтлек, күңел күтәренкелеге, укуларында уңышлар, матур уеннар һәм җиңел җиңүләр теләделәр.
Исегезгә төшерәбез, 18 һәм 19 март көннәрендә 2011-2012, 2013-2014 елгы яшүсмерләр командалары арасында ярышлар узды. Бүген, өченче көнне, ярышларда 2011-2012 елгы биш кызлар командасы катнашты: болар-1нче номерлы Иске Чүпрәле мәктәбе, Зур Аксу, Алешкин-Саплык, Яңа Әлмәле мәктәбе һәм Иске Чүпрәле күппрофильле лицее командалары.
2011-2012 елгы кызлар командалары арасында Зур Аксу урта мәктәбе укучылары җиңүче булды, 2 нче урынны Алешкин-Саплык урта мәктәбе командасы яулады, 3 нче урынны Яңа Әлмәле урта мәктәбе командасы алды.
1, 2, 3 урыннарны алган барлык командаларга грамоталар тапшырылды. 2011-2012, 2013-2014 елгы яшүсмерләр һәм 2011-2012 елгы кызлар командалары «Мәктәп футбол лигасы» ярышларының зона этабында район данын яклаячак. Аларга ярышларның зона этабында да уңышлы уеннар телибез.
Футбол буенча ярышлар кысаларында ГТО мобиль мәйданчыгы да эшләде. Исегезгә төшерәбез, ВФСК ГТО комплексы «Физик культура һәм спортны үстерү» дәүләт программасы кысаларында гамәлгә ашырыла.