Гадәттән тыш хәлләр министрлыгы кисәтә: Татарстанда бозга чыгу тыела
Бик мөһим! Гадәттән тыш хәлләр министрлыгы Татарстан сулыкларында бозга чыгудан тыелырга чакыра. Боз капламы инде кешенең авырлыгын күтәрә алмый.
Регионда инде берничә көн күзәтелә торган аномаль җылы һава торышы аркасында сулыклардагы боз көпшәк, һәм куркыныч тудыра.
Су объектларында куркынычсызлык бүлеге башлыгы Регина Гаязова бозның ныклыгын югалтуын һәм йөкләнешне күтәрә алмавын билгеләп үтте. Күперләр янындагы һәм елга үзәннәрендәге чишмәләр аеруча куркыныч. Росгидромет фаразлары буенча, елгаларны ачу быел гадәти сроктан 9-18 көнгә иртәрәк көтелә.
Шулай ук күперләр астындагы куркыныч урыннар да билгеләнде, анда бозның калынлыгы һәрвакыт кечкенә. Кызганычка каршы, быел кешеләрнең боз астына төшеп китү очраклары теркәлгән.
14 марттан балыкчыларга бозга чыгу тыела. Бу хакта Россия гадәттән тыш хәлләр министрлыгының ТР буенча ГИМС Үзәгендә узган матбугат конференциясендә хәбәр ителде. Тормыш куркынычын исәпкә алып, балыкчыларга язгы бозга чыгудан тыелырга киңәш итәләр. Шулай да сулыкларга чыгарга теләүчеләрне куркыныч турында һәм штрафлар булуф турында кисәтәләр.