Күпьеллык хезмәтләре һәм эшкә тугрылыклары өчен: Чүпрәле районының иң яхшы ТКХ хезмәткәрләре бүләкләргә лаек булдылар
Бүләкләрне Татарстан Республикасы Чүпрәле муниципаль районы башлыгы урынбасары Алексей Ярухин тапшырды.
Торак-коммуналь хуҗалык һәм халыкка көнкүреш хезмәте күрсәтү хезмәткәрләре көнен бәйрәм итү кысаларында эшлекле дүшәмбедә көн саен йортларыбызның, урамнарыбызның һәм торак пунктларыбызның иминлеген тәэмин итүче хезмәткәрләрне хөрмәтләделәр.
Татарстан Республикасы төзелеш, архитектура һәм торак-коммуналь хуҗалыгы министрлыгының Мактау грамотасы белән «Прогресс» МУП су белән тәэмин итү һәм ташландык суларны агызу челтәрләрендә авария-торгызу эшләре слесаре Садыйков Илгизәр Альберт улы, биналарга комплекслы хезмәт күрсәтү һәм ремонт ясау буенча эшче Шишкин Юрий Александрович бүләкләнделәр; Татарстан Республикасы Чүпрәле муниципаль районы Башкарма комитетының Рәхмәт хаты белән «Прогресс»МУП җиңел автомобиле йөртүчесе Афанасьев Юрий Витальевич, «Прогресс» МУП склады мөдире Журавлев Андриян Валентинович бүләкләнделәр.
-Без ТКХ хезмәткәрләренә район үсешенә бәяләп бетергесез өлеш керткәннәре, намуслы хезмәтләре һәм үз эшләренә тугрылыклары өчен чын күңелдән рәхмәтебезне белдерәбез. Сезнең эшегез - Чүпрәле районының меңләгән халкы өчен уңайлы тормыш нигезе ул!-диде Алексей Ярухин.