Иске Чокалыда “Чәке чаңгы юлы”: Халыкара хатын-кызлар көненә багышланган спорт бәйрәме узды
7 мартта Иске Чокалы авылының чаңгы базасында Халыкара хатын-кызлар көненә багышланган һәм Ватанны саклаучылар елы кысаларында үткәрелә торган «Чәке чаңгы юлы» үткәрелде.
Җыелучыларга сәламләү сүзләре белән Татарстан Республикасы Чүпрәле муниципаль районы башлыгы урынбасары Алексей Ярухин, Түбән Чәке авыл җирлеге башлыгы һәм әлеге ярышны оештыручы Артем Солдатов, яшьләр эшләре, спорт һәм туризм бүлеге начальнигы Руслан Вилданов мөрәҗәгать иттеләр. Алар катнашучыларга уңышлар теләделәр һәм сәламәт яшәү рәвешен популярлаштыру өчен мондый чараларның мөһимлеген билгеләп үттеләр.
Чаңгы ярышларында студентлар, оешма-предприятиеләр хезмәткәрләре, авыл җирлекләрендә яшәүчеләр, пенсионерлар һәм теләге булган һәркем катнашты. Катнашучылар күрсәткән нәтиҗәләр «Хезмәткә һәм оборонага әзер» Бөтенроссия физкультура-спорт комплексы нормативларын үтәү исәбенә кертелде.
Барлык призерларга һәм җиңүчеләргә дипломнар, медальләр һәм истәлекле бүләкләр тапшырылды.
Исегезгә төшерәбез, ГТО комплексы «Физик культура һәм спортны үстерү» Дәүләт программасы кысаларында гамәлгә ашырыла.