Татарстан Республикасы Чүпрәле муниципаль районында яшәүче Рәшидә Жаббарова 90 яшьлек юбилеен билгеләп үтте
Бүген, 2025 елның 31 гыйнварында, Татарстан Республикасы Чүпрәле районының Иске Шәйморза авылында яшәүче Рәшидә Кадыйр кызы Җаббарова үзенең 90 яшьлек юбилеен билгеләп үтте.
Бу көнне юбиляр Татарстан Республикасы Чүпрәле муниципаль районы Башкарма комитеты җитәкчесе Рөстәм Мөхәмәтҗанов, Иске Шәйморза авыл җирлеге башлыгы Илһамия Мөхитовадан җылы котлау сүзләре кабул итте. Кунаклар юбилярга Чүпрәле муниципаль районы Башлыгы Марат Гафаров исеменнән котлау открыткасы һәм бүләк тапшырдылар, сәламәтлек, бәхет теләделәр.
Рәшидә Кадыйр кызы 1935 елның 31 гыйнварында Татарстан АССРның Чүпрәле районы Иске Шәйморза авылында туа. Ул катлаулы тормыш кичерә.
Балачактан ук аңа шактый кыенлыклар туры килә, язмыш аны иркәләми. Алар гаиләдә сигез бала үсәләр. Бүгенге көндә Рәшидә Кадыйр кызының 6 туганы инде исән түгел, барлык балалардан алар абыйсы белән икәү генә калганнар. Аның абыйсы Солтан абый һәм Рәшидә ханым бүгенге көндә Иске Шәйморза авылында яшиләр.
Сугыш башланганда аңа нибары 6 яшь була. Аңа, ул вакыттагы күп кенә яшь кызлар кебек үк, бик күп эшләргә туры килә иде. Сугыштан соң да аңа бик тырышып эшләргә туры килде.
Кечкенәдән үк авыл эшенә өйрәнгән. Аңа балалары белән бергә колхоз басуларында эшләргә туры килә, печәнлектә башка кызлар белән бергә өлкәннәргә печән җыярга булышканнар, чөгендердә дә озак еллар эшләгән.
Иске Шәйморза мәктәбендә укыган, мәктәптән соң типографиядә эшли башлаган. Ул вакытта Иске Шәйморза Буденово районының үзәге булган.
Рәшидә апа көннәр буе типографиядә эшләгәннәрен, ул вакытта эш кулдан эшләнгәнен, яңа газетаның булачак мәкаләләрен бер хәреф белән җыюларын искә төшерә. Биредә ул 5 ел эшләгән, ә аннары Буденово районы бүтән булмаган. Рәшидә апа Иске Шәйморза участок хастаханәсендә санитарка булып эшли башлаган. Лаеклы ялга чыкканчы 35 ел шушы хастаханәдә эшләгән.
Эш дәверендә үзен бары тик уңай яктан гына күрсәткән, йөкләнгән эшкә намуслы караган, күп ярышларда катнашкан, күпсанлы Мактау грамоталары белән бүләкләнгән.
- Мин хастаханәдә санитарка булып эшләгәндә, анда 75 урын бар иде. Безнең хастаханәдә бик яхшы табиблар һәм шәфкать туташлары эшләде. Авырулар районның төрле авылларыннан иде. Һәр 10 көн саен хастаханә авыру-пациентлары өчен мунча әзерли идек, аларны шунда алып бара идек. Больницаның бүгенге көндә дә эшләвенә мин бик шат, анда чиста, әйбәт персоналлар, - дип искә ала Рәшидә апа.
1955 елда Рәшидә апа авылдашы Әнвәр абыйга кияүгә чыга.
Ире Әнвәр абый белән дүрт бала тәрбияләп үстерәләр: уллары Вагыйз, Рамил һәм Равил, кызы Тәнзилә. Кызганычка каршы, балаларының берсе-улы Вәгыйз вафат, ә улы Рамил бүгенге көндә Израильдә яши.
Рәшидә Кадыйр кызының бүген 7 оныгы һәм 13 оныкчыгы бар. Бүгенге көндә хезмәт ветераны улы Равил һәм килене Гөлнара белән бергә яши.
Ул аларга балаларын-үзенең оныкларын үстерергә ярдәм иткән, алар эшкә киткәндә аларны караган.
Бүгенге көндә Рәшидә Кадыйр кызы оныклары һәм оныкчыклары өчен иң бәхетле әни, әби һәм әбинең әнисе.
Юбилей көнендә дә Рәшидә Кадыйр кызының барлык балалары, оныклары килде, алар әниләрен, әбиләрен юбилее белән котладылар, аңа зур рәхмәт сүзләре җиткерделәр, сәламәтлек, бәхет һәм бетмәс-төкәнмәс энергия теләделәр.
Еллар узган саен юбиляр рухын югалтмады, авыл вакыйгаларыннан хәбәрдар булып яши. Аның хәтере бик яхшы, үткән вакыйгаларны хәтерли.
Юбилярга сәламәтлеге какшамавын, тормыш сөючәнлеге һәм оптимизмы беркайчан да бетмәвен, якыннарының кайгыртуын һәм игътибарын тоеп яшәвен телибез.