Чүпрәлеләр Россия Федерациясенең атказанган мәдәният хезмәткәре Анатолий Музыкантовны юбилее белән котладылар
30 гыйнварда Россия Федерациясенең һәм Чуваш Республикасының атказанган мәдәният хезмәткәре, Россия Федерациясе Мәдәният министрлыгының «Душа россии» премиясе лауреаты Музыкантов Анатолий Николаевичның 70 еллыгына багышланган Чувашия Мәдәният министрлыгының «Трактор Төзүчеләр мәдәният йорты» Республика халык иҗаты үзәгенең зур залында «Музыкантларны чакыра...» юбилей кичәсе булды.
Анатолий Николаевич - хореограф һәм педагог. Татарстан Республикасы Чүпрәле районының Кече Үби авылында туа.
Казан дәүләт мәдәният институтын тәмамлаган. Чуаш дәүләт җыр һәм бию ансамблендә балет артисты була. 1980 елда «Сувар» халык биюләре ансамблен (Чебаксар шәһәрендә трактор Төзүчеләр мәдәният сарае базасында) оештыра, аның сәнгать җитәкчесе булып тора. 2002 елда Мәскәүдә аңа елның иң яхшы балетмейстеры буларак «Алтын лира» премиясе, 2003 елда «Чувашия һәм Идел буеның дистәләгән үзешчән ансамбльләре өчен чын остаханәгә әверелгән» коллективны оештырган өчен Россия Мәдәният министрлыгының «Россия җаны» премиясе («Халык биюе» номинациясендә) бирелде.
Ул даими рәвештә яңа хореографик уйлар һәм куелышлар эзли. Үзенең бөтен иҗади эшчәнлеге дәвамында ул Чувашиядә һәм аннан читтә халык биюен үстерүгә һәм популярлаштыруга, шулай ук чуаш халкының бай бию мирасын саклауга зур өлеш кертә.
Ел саен аның коллективы Татарстан Республикасы Чүпрәле муниципаль районының Уби авылында «Акатуй» чуаш бәйрәмен үткәрүдә актив катнаша.
Чүпрәле районы башлыгы урынбасары Алексей Ярухин Анатолий Музыкантовны юбилее белән котлады. Район Башлыгы Марат Гафаров исеменнән бүләкләр һәм котлаулар тапшырды. Киләчәктә иҗади дәрт, уңышлар һәм сәламәтлек теләде.
Шулай ук Татарстан Республикасының атказанган мәдәният хезмәткәре Людмила Сердцева җитәкчелегендәге «Хелхем» халык ансамбле дә чыгыш ясады.