Шторм кисәтүе
Хөрмәтле гражданнар! “Татарстан Республикасының гидрометеорология һәм әйләнә-тирә мохитне мониторинглау идарәсе” ФДБУнән Татарстан Республикасы территориясендә 2024 елның 2-3 ноябрендә һава шартларының кискен начараюы турында доклад-консультация, 2024 елның 2 ноябрендә көчле җил булуы турында шторм кисәтүе
Россиянең Европа территориясенә актив циклон чыгу сәбәпле, Татарстан Республикасында 2-3 ноябрьдә һава шартларының сизелерлек начараюы фаразлана. Шимбә көнне, 2 ноябрьдә, атмосфера фронтлары үткән вакытта, уртача һәм көчле юеш кар һәм яңгыр явачак, урыны белән юеш кар һәм бозлавык катламнары барлыкка килә, явым-төшемнәр вакытында күз күреме 1-2 км га кадәр начарая. Шулай ук 15-20 м/с тизлектәге Көнбатышка таба күчүче көчле көньяк җиле, 05 сәгатьтән 23 сәгатькә кадәр урыны белән 25 м/с тизлектәге бик көчле җил булуы көтелә. Һава температурасы: төнлә минималь температура +2..-2°, иртән һәм көннең беренче яртысында циклонның җылы секторында +4...+9°, көн дәвамында кичкә таба температура +3...-2°ка кадәр түбәнәю көтелә. Юлларда урыны белән бозлавык барлыкка килергә мөмкин.
Бу көннәрдә циклонның үтүе атмосфера басымының кискен һәм сизелерлек тирбәнешләре белән булачак.
Киләсе 3 тәүлектә, 4-6 нчы ноябрьдә, республикада циклоник типтагы һава торышы сакланачак, вакыт-вакыт бераз кар ява, һава температурасы тискәре, төнлә -2...-8°, көндез -1°...-3 °ка кадәр булачак.
Россия гадәттән тыш хәлләр министрлыгының Татарстан Республикасы буенча Баш идарәсе киңәш итә:
Җил көчәйгәндә:
1.Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2.Әгәр дә көчле җил вакытында сез урамда калсагыз, без сезгә җир асты юлларында яки бина подъездларында яшеренергә киңәш итәбез. Көчле җилдән йорт диварлары янында яшеренергә кирәкми, чөнки түбәләрдән шифер һәм башка түбә материаллары төшәргә мөмкин. Бу җәмәгать транспорты тукталышларына, төзелеп бетмәгән биналарга да кагыла.
3. Урамда реклама щитларыннан, элмә такталардан, юл билгеләреннән, электр линияләреннән ерак торырга кирәк.
4. Зур агачлар янында тормаска, шулай ук алар янында автотранспорт куярга да ярамый, җил белән өзелгән агач ботаклары зур куркыныч тудырырга мөмкин.
5. Көчле җил булганда, электр линиясе астында тору һәм өзелгән электр чыбыкларына якынлашу бик куркыныч.
6. Куркынычны өске кат тәрәзәләреннән төшкән ватылган пыялалар, шулай ук җил белән өзелгән түбә һәм декор элементлары тудыра ала. Мондый куркыныч төзелә торган яки ремонтлана торган биналар янында арта.
7. Йортларның барлык тәрәзәләрен тыгыз итеп ябарга, балконнардан һәм лоджияләрдән тышкы якка төшәргә мөмкин булган әйберләрне алып куярга кирәк.