Татарстан Республикасы Чүпрәле муниципаль районында Григорий Назаровны юбилее белән котладылар
Ул пенсиягә кадәр туган колхозында тракторчы-механизатор булып эшләгән
Григорий Гаврилович Назаров 1934 елның 29 маенда Татарстан Республикасының Чүпрәле районы Яңа Элмәле авылында күп балалы гаиләдә туган. Быел ул үзенең 90 яшьлек юбилеен билгеләп үтә.
Григорий Гаврилович авыл мәктәбен тәмамлый. Пенсиягә кадәр туган колхозында тракторчы-механизатор булып эшли. Үзенең хезмәте һәм уңыш җыюда югары күрсәткечләре өчен Григорий Назаров Мактау грамоталары белән бүләкләнә.
Хатыны Лидия Ананьевна белән бергә алар биш бала тәрбиялиләр. Хәзерге вакытта Григорий Гаврилович кызы Елизавета белән яши. Юбилярның кызы әти-әнисе һәрвакыт бер-берсен аңлап яшәгәннәрен, бер-берсенә беркайчан да тавыш күтәрмәгәннәрен билгеләп үтте.
- Мәхәббәт һәм аңлау хөкем сөргән гаиләдә үскәнебез өчен рәхмәтлебез, - дип өстәде Элизавета.
Григорий Назаров алты онык һәм ике оныкчыкның яраткан бабасы. Алар барысы да бу истәлекле көнне бәйрәм итәр өчен бергә җыелганнар.
Туганнарыннан һәм якыннарыннан тыш, юбилярны котларга Чүпрәле районы башлыгы урынбасары Алексей Ярухин һәм Яңа Элмәле авыл җирлеге башлыгы Роберт Дружков килде. Алар юбилярга нык сәламәтлек һәм якыннарының игътибарын тоеп яшәвен теләделәр.