ТР Чүпрәле районында картинг буенча ярышлар узды
Ярышлар Гаилә елы кысаларында һәм Халыкара балаларны яклау көне алдыннан узды.
Бүген, 2024 елның 28 маенда, балалар иҗат йортында тәрбияләнүчеләр арасында картинг буенча ярышлар узды. Чара Гаилә елы кысаларында һәм Халыкара балаларны яклау көне алдыннан оештырылды.
Чарада район Башкарма комитеты җитәкчесе Рөстәм Мөхәмәтҗанов, Чүпрәле районы ЮХИДИ идарәсе башлыгы, полиция майоры Анатолий Михайлов, Казан шәһәрендәге ТУ профилактика бүлегенең әйдәп баручы белгече Лилия Вахитова, район мәгариф бүлеге методисты Илнур Мавзютов һәм район автоинспекторлары катнашты.
Шунысын да әйтергә кирәк, бу тамаша чарасында безнең яшь спортчылар үзләренең осталыкларын һәм профессиональлекләрен күрсәттеләр, үз җанатарларына күп рәхәтлек китерделәр. Адреналин, тизлек, көтелмәгән финал тамашачылар һәм яшь пилотлар хәтерендә озакка калачак.
Шунысын да билгеләп үтәргә кирәк, мондый ярышлар рәхәтлек һәм онытылмаслык хисләр генә китерми, алар балаларга һәм яшьләргә үзләрен күрсәтергә мөмкинлек бирә. Яшь спортчылар көчлерәк, акыллырак булалар һәм, иң мөһиме, үз-үзләренә ышаныч алалар. Киләчәктә, бу егетләр права алгач, аларга инде машина йөртү культурасы сеңдереләчәк, алар юл хәрәкәтенең төп кагыйдәләрен беләчәк. Ярышлар шулай ук логик фикерләү һәм акыллылык үстерә.
Ярышлар нәтиҗәләре буенча 1 урынны Бахтияр Мресов яулый, Булат Яфизов 2 урынны, Рафаэль Дамаев 3 урынны ала. 1, 2, 3 урыннарны яулаган призерларга грамоталар, медальләр һәм бүләкләр тапшырылды.
Евгений Трофимов, Ярослава Лявукова, Камилла Насыйбуллина, Вадим Долгов, Стелла Михайлова, Камилә Җамалетдинова, Максим Ларионов катнашкан өчен грамоталар һәм бүләкләр белән бүләкләнделәр. Чараны оештыруда активистларга шулай ук грамоталар һәм рәхмәт хатлары тапшырылды.
Бүләкләр БДД ДБУ Казан шәһәрендәге ТУ профилактика бүлегенең Буа бүлеге тарафыннан бирелде.