ТР Чүпрәле районында Ольга Александровнаны юбилее белән котладылар
Ольга Сусликова гомере буе колхозда эшләгән.
2024 елның 17 апрелендә, Татарстан Республикасы Чүпрәле муниципаль районының Зур Аксу авылында Ольга Александровна Сусликова юбилей көнен билгеләп үтә.
Ольга Александровна Зур Аксуда туып үскән. 23 яшендә авылдашы Викторга кияүгә чыккан. Алар бергә дүрт бала тәрбияләп үстергәннәр. Ольга Сусликова гомере буе колхозда эшләгән, туган авылын үстерүгә күп көч куйган.
Ольга Александровна бик яшьли тол калса да, ул балаларын тәрбияләгән һәм аларга белем бирә алган. Аның кызы Галина, әни безгә һәрвакыт: «Сезнең белемегез һәм яраткан эшегез булсын», - дип әйтә иде, һәм моны тормышка ашыру өчен барысын да эшләде ди.
Бүген аның янына Чүпрәле районы башлыгы урынбасары Алексей Ярухин һәм Зур Аксу авыл җирлеге башлыгы Степан Унисков юбилее белән котларга килделәр. Алар Ольга Александровнага нык сәламәтлек, якыннарының игътибарын һәм мәхәббәтен тоеп яшәвен теләделәр.
Хәзерге вакытта Ольга Александровна кызы Галинада яши. Юбилярның 9 оныгы һәм 8 оныкчыгы бар. Аның гаиләсе - горурлык һәм тормышта иң зур шатлык.