Чүпрәлеләр «Без бергә - 2024» халык иҗаты фестиваленең зона этабында катнашты
Чүпрәле районыннан фестивальнең зона этабында төрле номинацияләрдә катнашуга 14 гариза бирелгән иде.
2024 елның 4 апрелендә Чүпрәле муниципаль районы гомуми белем бирү учреждениеләре укучылары һәм педагоглары «Без бергә - 2024» халык иҗаты республика балалар фестиваленең зона этабында катнаштылар. Әлеге чара кысаларында халык иҗаты конкурслары узды һәм декоратив-гамәли эшләнмәләр күргәзмәләре оештырылды.
Татарстан Республикасының Апас, Буа, Чүпрәле, Кама Тамагы, Кайбыч, Тәтеш муниципаль районнарыннан конкурста җиңүчеләр Буа шәһәре балалар сәнгать мәктәбе сәхнәсендә чыгыш ясадылар.
Чүпрәле районыннан фестивальнең зона этабында «Халык вокалы» (соло), «Сәнгать укылышы», «Хореография», «Инструменталь ансамбль», «Театраль иҗат», «Халык вокаль ансамбле» һәм «Иҗади гаилә» кебек төрле номинацияләрдә катнашуга 14 гариза бирелгән. Моннан тыш, «Осталарның гаилә династиясе» һәм «Иң яхшы күргәзмә экспозициясе» номинацияләрендә декоратив-гамәли сәнгать күргәзмәләре оештырылды.
Зона этабы нәтиҗәләре буенча 7-12 һәм 13-18 яшьлекләр арасында иң яхшы иҗади номерлар, һәм иң яхшы күргәзмә экспозицияләре сайлап алыначак.