Татарстан Республикасы Чүпрәле муниципаль районында Валерий Юдин истәлегенә 22 нче турнир үткәрелде
Өстәл теннисы турнирында җиңүчеләр спортчыларның җиде яшь категориясендә катнашу нәтиҗәләре буенча билгеләнде.
Дементьев исемендәге Алёшкин-Саплык урта мәктәбе базасында әлеге спорт төрен яратучы егетләр, кызлар һәм өлкәннәр арасында традицион 22 район турниры узды.
Турнир спорт сөюче, элеккеге эшмәкәр Валерий Юдин истәлегенә багышланды.
Залда булган һәм үз мәктәпләре һәм авыл җирлекләре хөрмәтенә көрәшергә әзер булган һәркемне алкышлар белән сәламләделәр.
Спорт бәйрәмен алып баручы 10 сыйныф укучылары Анастасия Полторацкая һәм Диана Скворцова, Россия һәм Татарстан Республикасы гимннарын тыңлаганнан соң, спортчыларны туган мәктәбен тәмамлаган Валерия Юдинның биографиясе белән таныштырдылар. Соңыннан барысы да аны бер минутлык тынлык белән искә алдылар.
Сүз Чүпрәле муниципаль районы Башкарма комитетының яшьләр эшләре, спорт һәм туризм бүлеге җитәкчесе Вилданов Руслан Расых улына бирелде, ул барысын да спорт бәйрәме белән котлады, аларга гадел ярышлар, шулай ук ныклы сәламәтлек теләде.
Шуннан соң турнирны уздыру тәртибе һәм шартлары турында Кузьмин Виктор Сергеевич сөйләде.
Тантаналы линейка азагында әлеге ярышларны оештыручы, Валерий Юдиның бертуган абыйсы, Борис Юдин чыгыш ясады. Ул үз чыгышында бу турнир әзерлек һәм аны үткәрүдә иганәчелек ярдәменнән башка уза алмаячагын билгеләп үтте.
Аның сүзләреннән ачыкланганча, әлеге турнирның спонсорлары - җирле эшмәкәр Владимир Журавлев, ҖЧҖ «Фламинго» җитәкчесе, Чүпрәле муниципаль районы буенча өстәл теннисы буенча федерация рәисе Альфред Низамов, шулай ук Валерий Юдинның якын туганнары.
Өстәл теннисы турнирында җиңүчеләр спортчыларның җиде яшь категориясендә катнашу нәтиҗәләре буенча билгеләнде.
Җиденче сыйныф укучылары арасында урыннар түбәндәгечә бүленде: өченче урынны Алёшкин-Саплык мәктәбеннән Юдин Егор яулады, икенче урынны – Хорновар-Шигали мәктәбеннән Денисов Фёдор һәм Зур Аксу урта мәктәбеннән Мускатинов Николай җиңүче булды.
Ә сигезенче һәм тугызынчы сыйныф егетләре арасында өченче урын - Хорновар-Шигали мәктәбеннән Никита Юманов, икенче урын – Кече Чынлы мәктәбеннән Рәсим Хәлилов, ә җиңүче - Зур Аксу урта мәктәбеннән Дмитрий Ярмушов.
Унынчы һәм унберенче сыйныф яшьләре арасында Чүпрәле тармак технологияләре техникумыннан Семён Варфоломеев җиңүче булды, икенче урында - Зур Аксу мәктәбеннән Станислав Ефремов һәм өченче урында - Чүпрәле тармак технологияләре техникумыннан Станислав Чернов.
Турнирда 5-11 сыйныф кызлары арасында Хорновар-Шигали мәктәбеннән Дарья Горбунова җиңүче булды, Иске Ишле мәктәбеннән Фаизова Илгизә икенче булды, ә Түбән Чәке мәктәбеннән Дарья Макарова өченче булды.
Иң кызыклы ярышлар 18 яшьтән 30 яшькә кадәрге яшүсмерләр арасында узды. Монда өченче урында Алёшкин-Саплык авылыннан Виктор Кузьмин булды, икенче урында - тармак технологияләре техникумыннан Александр Журавлёв, ә җиңүче - Яңа Элмәледән Илья Карсаков.
40 яшьтән 50 яшькә кадәрге ирләр арасында икенче урынны Хорновар-Шигали авылыннан Сергей Тарасов алды, ә Алёшкин-Саплык авылыннан Александр Пляшев җиңүче булды.
51 яшьтән өлкәнрәк ир-атлар арасындагы ярышлар да кызыклы үтте, биредә өченче урынны Яңа Элмәле авыл җирлегеннән Геннадий Карсаков алды, ә Вячеслав Антонов Яңа Ишле авыл җирлеге вәкиле икенче булды, Яңа Элмәле урта мәктәбе директоры Владимир Мискин җиңүче булды.
-Без мондый теннис турнирларын оештырып хәтер саклап калуыбызга шат һәм елдан-ел бу ярышларда катнашучыларның саны арта баруына кәнәгатъ, димәк, Валерий Михайлович Юдин һәрвакыт безнең йөрәкләрдә яшәячәк дип билгеләп үттеләр әлеге чара ахырында алып баручылар.