Чүпрәле районы сайлау участокларында сайлаучыларны коймаклар һәм кайнар чәй белән сыйлыйлар

2024 елның 16 марты, шимбә

РФ Президентын сайлаулар 15,16 һәм 17 мартта узачак

РФ Президентын сайлау “Май чабу” атнасына туры килү сәбәпле, ТР Чүпрәле районы сайлау участокларында сайлаучыларны коймаклар һәм кайнар чәй белән сыйлыйлар.

Кичә ТР Чүпрәле районында 36 сайлау участогы ачылды.

Сайлау участокларына яшьләр дә, пенсионерлар да килә, гаиләләр белән дә киләләр.

Тавыш бирү урыннарында сайлаучылар өчен кайнар чәй, коймаклар әзерләгәннәр, мәдәни-спорт учреждениеләренә бару өчен беләзекләр бирелә.

Бүген Үзәк сайлау участогында “Май чабу” тамашасы тәкъдим ителде.

Мәдәният йорты хезмәткәрләре чүпрәлеләр өчен төрле уеннар әзерләгәннәр, биеделәр, җырладылар, сайлауларга чакырдылар.