“Бергә тапшырабыз. Әти-әниләрнең бердәм БДИ тапшыру көне” Бөтенроссия акциясендә катнашу турында мәгълүмат.
Бүген, 2024 елның 13 мартында, Чүпрәле муниципаль районы гомуми белем бирү оешмаларының 11 сыйныфын тәмамлаучыларның әти-әниләре «Әти-әниләрнең бердәм БДИ тапшыру көне» Бөтенроссия акциясендә катнаштылар. 11 сыйныфны тәмамлаучыларның әти-әниләренә балаларның имтиханнарны ничек тапшыруларын белергә һәм үзләрендә тоярга мөмкинлек бирелде.
«Әти-әниләрнең бердәм БДИ тапшыру көне» Бөтенроссия акциясе, инициаторы мәгариф һәм фән өлкәсендә күзәтчелек буенча Федераль хезмәт, беренче тапкыр 2017 елда узды. Акция чыгарылыш сыйныф укучыларына һәм аларның әти-әниләренә БДИга әзерлек белән бәйле артык киеренкелекне бетерүдә ярдәм итәргә тиеш.
Әти-әниләр өчен БДИ үткәрү шартлары чыгарылыш сыйныф укучылары өчен булган кебек үк иде. Аудиториягә кергәнче, барлык әти-әниләр стационар металл рамка аша үткәннәр. Һәр катнашучының урыны алдан билгеләнгән.
Имтихан барышында катнашучылар БДИда теркәлүнең ничек узуын һәм аудиторияләрдә утыртуның ничек оештырылуын, БДИда катнашучыларның эш урыннарының ничек күренүен, теркәлү бланкларының һәм җаваплар бланкларының ничек тутырылуын, имтихан уздыру пунктында контроль үлчәү материалларын бастыру һәм сканерлауның ничек узуын, тарих буенча КИМ БДИ 2024 нең нинди булуын күрделәр. https://сайтобразование.рф/
Әти-әниләр билгеләп үткәнчә: бланкларны дөрес һәм игътибарлы тутыру имтиханда мөһим момент булып тора, чөнки рәсмиләштерүдәге хата җавапны исәпкә алмауга китерергә мөмкин, БДИ процедурасы дулкынландыргыч булса да, имтихан намуслы, гадел һәм укучыларның белемнәрен объектив бәяләячәк.
Эшкә бер сәгать вакыт бирелгән.
Сынау имтиханын тәмамлагач, мәгариф бүлегенең өлкән методисты Фәния Җәмил кызы түгәрәк өстәл үткәрде, аның барышында 2024 елда БДИ оештыру үзенчәлекләре, имтиханны үткәрүнең нечкәлекләре, чикләүләр һәм тыюлар турында сөйләде.
Имтиханда дөрес психологик кәефнең мөһимлеге турында мәгариф бүлеге башлыгы Г.Ф. Хәлиуллов үз чыгышында сөйләде.
#образованиетатарстан #ГИА2024#сдаемвместетатарстан #сдаемвместе2024 #готовимсявместерт#готовимсякГИА#егэдляродителей