Чүпрәле районы Башлыгы Марат Гафаров махсус хәрби операция зонасыннан ялга кайткан хәрбиләр белән очрашты
.
Сугышчылар барысына да ярдәмнәре өчен рәхмәт белдерделәр.
Чүпрәле районы Башлыгы Марат Гафаров ялга кайткан хәрбиләр белән очрашты. Очрашу түгәрәк өстәл артында узды.
Очрашу барышында хәрби хезмәткәрләрнең үзләренә дә, аларның гаиләләренә дә ярдәм чаралары турында фикер алыштылар.
«Әгәр нинди сораулар бар икән, проблемалар, тормыш хәлләре һәм башкалар, шалтыратыгыз, языгыз, мөрәҗәгать итегез, мин һәрвакыт элемтәдә торам», - диде Марат Ринатович. Район Башлыгы хәрбиләргә батырлыклары өчен чын күңелдән рәхмәт сүзләрен җиткерде, аларга кирәкле әйберләр тапшырды.
Чәй артында сугышчылар махсус хәрби операция зонасында үзләренең хәрби көндәлек тормышы турында сөйләделәр, гуманитар ярдәм күрсәтүче, аларга матди һәм мораль ярдәм күрсәтүче барлык кешеләргә рәхмәт сүзләре җиткерделәр.