Чүпрәле егетләре Ватанны сакларга киттеләр
Яшь егетләрне озатырга әти-әниләре, дуслары, якыннары килгән иде
Бүген, 2023 елның 26 маенда, иртә таңнан Чүпрәле районының Петр Дементьев исемендәге паркында армиягә җиде чакырылучыны җибәрү тантанасы булды.
Традиция буенча, булачак Ватанны саклаучылар китәр алдыннан җитәкчелек вәкилләре яңа хәрбиләргә үгет-нәсихәт сүзләре белән мөрәҗәгать итә.
Чүпрәле районы Башкарма комитеты Җитәкчесе Рөстәм Мөхәммәтҗанов егетләргә яхшы хезмәт теләде һәм Чүпрәлеләрнең үз хәрби бурычларын намус белән үтәүләренә, якташларын уңайсыз хәлдә калдырмауларына ышаныч белдерде, шулай ук аларга бер елдан соң өйләренә әйләнеп кайтуларын теләде.
Чуваш-Чүпрәлесе авыл җирлеге башлыгы Виталий Землемеров исеменнән дә изге теләкләр яңгырады.
Бүгенгеннән Россия Федерациясенең Кораллы көчләре сафларын Чуаш Чүпрәле авылыннан Максим Аръяхов, Яңа Чүпрәле авылыннан Руслан Бакиров, Иске Чүпрәле авылыннан Илшат Вәлиев, Яңа Әлмәле авылыннан Алексей Еремеев, Мунчали авылыннан Илнур Идрисов, Чуаш Чүпрәлесе авылыннан Никита Мадуров, Яңа Әлмәле авылыннан Александр Николаев тулыландырачак.
Яңа хәрбиләрнең туганнары һәм якыннары билгеләп үткәнчә, армия физик яктан гына түгел, ә егетләрнең әхлакый рухын ныгыта, аларга чын ир-ат дуслыгының бәясен аңларга ярдәм итә. Егетләргә уңышларга ирешүләрен теләделәр, ә хезмәт тәмамлангач, әлбәттә, аларны үзләренең кечке Ватанында көтәләр.