Чүпрәле районының Яңа Кәкерле мәктәбендә Пионерлар көне билгеләп үтелде
Май-бәйрәмнәргә һәм истәлекле көннәргә бай ай. Урта һәм өлкән буын кешеләре 19 майны - пионерларның туган көнен яхшы хәтерлиләр. Бу балалар һәм яшүсмерләр, шулай ук пионер (мәктәп) яшендәге балалар белән эшләүче җитәкчеләр һәм педагоглар өчен бәйрәм.
Пионерлар-мәдәниятнең, иҗтимагый тормышның нинди дә булса яңа өлкәсендә беренче адымнарын ясаучы, яңа юллар салучы кешеләр. Бу сүзне пионер баскычын үткән кеше тулысынча аңлый. Хәзерге буын аларны китаплардан гына белсә дә, алар урынына варислар килә. Аның асылы үзгәрми.
Бүген-үткәннәрне искә төшереп торган пионер оешмасының 101 еллыгы. Бу истәлекле дата хөрмәтенә Яңа Кәкерле мәктәбендә пионерларның туган көненә багышланган тантаналы чара узды. Укытучы Абдрахманов Рамил һәм 4 сыйныф җитәкчесе Җамалтдинова Лилия укучыларга пионер оешмасы, аның тарихы, эшчәнлеге, атрибутлары турында сөйләделәр. Укучыларга пионерларның үткәннәре турында презентация күрсәтелде.
Тантананың икенче өлешендә 4 сыйныф укучысы Чахкиева Айша Татарстан Варислары Берлеге сафларына кабул ителә, өлкән сыйныф укучысы аның муенына галстук бәйли. Ул яхшы варис булырга һәм Татарстан Варислары Берлеге законнарын төгәл үтәргә вәгъдә итте.
Бу истәлекле дата белән төрле елларда пионер һәм комсомол булган һәркемне котлыйбыз, аларга сәламәтлек һәм җан тынычлыгы телибез.